2020-04-13

ასე ვრცელდება ვირუსი სუპერმარკეტებში – CoViD-19-ის გავრცელების კომპიუტერული მოდელი

Next

ასე ვრცელდება ვირუსი სუპერმარკეტებში – CoViD-19-ის გავრცელების კომპიუტერული მოდელი


ჰელსინკის ალტოს უნივერსიტეტის და ფინეთის მეტეოროლოგიური ინსტიტუტის მეცნიერებმა გამოაქვეყნეს კვლევა, თუ რა ხდება, როცა დახურულ სივრცეში ვინმე აცემინებს, ახველებს ან ლაპარაკობს და სად მიდის მცირე აეროზოლური ნაწილაკები.

ირკვევა, რომ ამ ნაწილაკებს პათოგენური მიკროორგანიზმების გადატანა შეუძლიათ, ისეთის, როგორიც კორონავირუსია.

ამ კვლევის საფუძველზე მათ CoViD-19-ის გავრცელების კომპიუტერული მოდელიც შექმნეს.


ამ გამოსახულებაში ჩანს, რომ მას შემდეგ, რაც ინფიცირებულმა დაახველა/დააცემინა სუპერმარკეტში, წარმოიქმნა 20მიკრომეტრის ნაწილაკებისგან შემდგარი ღრუბელი.

ისინი თავიდანვე არ ეშვებიან ძირს: ნაწილი ჰაერის ნაკადის სახით საკმად დიდ მანძილზე ვრცელდება, დანარჩენი კი ადგილზე რჩება.

წინასწარი შედეგების თანახმად, აეროზოლის ნაწილაკები ვირუსის შემადგენლობით ჰაერში იმაზე დიდხანს რჩება, ვიდრე აქამდე იყო ნავარაუდები.

ამიტომაც, საჭიროა თავი ავარიდოთ შენობებს, სადაც ხალხი იყრის თავს – ნათქვამია ალტოს საიტზე.

Quote
კორონავირუსით ინფიცირებულმა შეიძლება დაახველოს და წავიდეს, მაგრამ ის იმ ადგილზე ტოვებს წვრილ ნაწილაკებს კორონავირუსით. შემდეგ ეს ნაწილაკები შეიძლება სხვა ადამიანების სასუნთქ სისტემაში მოხვდეს.
ვილლე უორენი, მეცნიერი

68